မိုးစက်များနှင့် ကခုန်ခြင်း အမှတ်တရ

မိုးစက်များနှင့် ကခုန်ခြင်း

မရွာပဲ ကျော်သွားတဲ့မိုးတိမ်တွေ
မနေ့ကလိုပဲ ကောင်းကင်မှာ အပြည့်၊
အလွမ်းတွေ ကိုယ်စီဖြေရင်း
အနမ်းတွေခြွေကာမှ
ရှက်မိုးတွေကကြွေ...

မိုးစက်တွေ ခုန်ပေါက်ဆော့တော့
မင်းအပြုံးတွေ ပွင့်လန်း
မိုးရေထဲမှာ လှချင်တိုင်းကိုလှလို့...

မိုးရေတွေစိုနေတဲ့ မင်းဆံနွယ်တွေတစ်ချက်ခါလိုက်တိုင်း
လွင့်စင်ကျသွားတဲ့ မိုးစက်တွေ လွမ်းတတတနဲ့ မြေပေါ်ကိုကြွေ...

ကိုယ်တို့အတွက်တဲ့
အမှတ်တရမိုးတွေ သွန်းသွန်းဖြိုးဖြိုး
အချမ်းပြေကော်ဖီသောက်ရင်း
မိုးစက်တွေနဲ့အတူ အလွမ်းပြေအနမ်းတွေခြွေ...

#ကိုကိုမိုးဟိန်း
သစ်အယ်သီး

ဤစာစုလေးသည် Steemit တွင်တင်ခဲ့ခြင်းဖြစ်ပါသည်။
Zawgyi ဖြင့်ရေးသားထားသောကြောင့် နှောင်တစ်ချိန်တွင်ပျောက်ပျက်သွား မည်းစိုး၍ Hive platfrom ပေါ်တွင်
Unicodeဖြင့်ပြန်လည်တင်ရခြင်းဖြစ်ပါသည်။

ဤစာစုလေးသည် ကျွန်တော့်ချစ်သူအတွက် အမှတ်တရအဖြစ် ရေးသားခဲ့ခြင်းဖြစ်ပါသည်။

12 jul 20