လမင်းရဲ့တစ်ဖက်ခြမ်း …
မနေ့ကလိုပဲ ဒီနေ့ကို ပုံစံတူမိတ္တူကူး ဖြတ်သန်းရင်း အတွေးအခေါ်တွေက တစ်နေ့တခြား အိုးမင်းဟောင်းနွမ်းလာတယ်။ အိပ်ယာထ၊ အလုပ်သွား၊ အလုပ်ပြန်၊ ဖုန်းကြည့်၊ အိပ်ယာဝင် ၊၊၊၊ စတဲ့သမာရိုးကျဆိုတဲ့ စကားနွံထဲ နစ်မွန်းမှန်းမသိ နှစ်မွန်းနေခဲ့။ အသက်ရှူသံတွေ အရင်လို မချိုမြိန်တော့သည်မှာ ဘာကြောင့်ပါလဲ။ ပုံမှန်ဆိုတဲ့ အမြင်ကို ဦးနှောက်က လက်ခံလိုက်တဲ့အခါ နှလုံးသားက အလိုလို မြေမြုပ်ပစ်ခံလိုက်ရတယ်။
´´ ဟေ့ … သယ်ရင်း အခြေနေဘယ်လိုလဲ ``
´´ ပုံမှန်ပါပဲကွာ `
´´အရာအားလုံးဟာ ပုံမှန်ပါပဲလား`` ဆိုတဲ့အတွေးကို ဘောင်ခက်လိုက်တဲ့အခါ လူတွေဟာ မြင်လျှက်နဲ့ကန်းနေကြရတယ်။ မမြင်နိုင်တဲ့ နောက်ကွယ်က အရာအားလုံးဟာ ပုံမှန်ဟုတ်မနေနိုင်မှန်း မမြင်နိုင်တော့ပါ။ လပြည့်ညတွင် ထိန်ထိန်သာနေသော လရောင်ရဲ့အေးမြမှုကို ကျွန်တော်တို့ခံစားနေရသော်လည်း အခြားကမ္ဘာတစ်ဘက်ခြမ်းတွင် ထိုလမင်းဟာ လကွယ်ညဖြစ်နေကာ အမှောင်တိဖြစ်နေပါလိမ့်မယ်။ ဒီလိုပဲ ထွန်းလင်းတောက်ပနေသော လမင်းရဲ့တစ်ဖက်ခြမ်းမှာ အမှောင်ထုရှိသလိုပဲ လူတိုင်းလူတိုင်းမှာ မမြင်နိုင်သော အမှောင်ကမ္ဘာရှိနေပါတယ်။
ရွှင်ပြုံးသော မျက်နှာဖြင့် ဆီးကြိုနေသော အရောင်းစာရေးမလေးတွင် အိမ်က မောင်လေး၊ ညီမလေးများရဲ့ကျောင်းစရိတ်နဲ့မိသားစုစားဝတ်နေရေး အတွက် စိုးရိမ်ပူပန်နေရေတဲ့ ဒုက္ခကို မမြင်နိုင်သလို၊ တစ်ယောက်တည်း အထီးကျန် ငေးမှိုင်နေတက်တဲ့ လူတစ်ယောက်မှာ အချစ်ရဆုံးသူငယ်ချင်း ဆုံးပါးသွားခြင်းကြောင့် ခံစားနေရတဲ့ ဝေဒနာကို မမြင်နိုင်ပါ။ အဲ့ဒီလိုမျိုးပါပဲ လူတိုင်းဟာ မမြင်နိုင်တဲ့ အမှောင်ကမ္ဘာတစ်ခြမ်းကို ပိုင်ဆိုင်ထားကြပါတယ်။
အချိန်မှာ ည၇နာရီ ၊ ဘုရားစေတီအနီးက ကွမ်းယာဆိုင်မှာ ကျွန်တော့်နဲ့ သူငယ်ချင်းက ကွမ်းဝင်ထုတ်တော့ မလမ်းမကမ်းတွင် အမေအိုကြီး တစ်ယောက်၊ ခွက်လေးတစ်လုံးရှေ့ချထားပြီး အ၀တ်စုတ်တစ်ထည်ကို ခေါင်းပေါ်ခြုံလို့ ငြိမ်ငြိမ်လေးထိုင်နေတာကို မြင်မိတယ်။ ကျွန်တော်နဲ့ သူငယ်ချင်း တစ်ပြိုင်တည်း ထိုအမေအိုကြီးကို ကြည့်နေမိတာကို မြင်တော့ ဆိုင်ရှင် အစ်ကိုကြီးက မမေးပဲနဲ့ ပြောလာတယ်။
´´ ညနေ၆နာရီလောက်ဆို လူကြီးတစ်ယောက်က ဆိုင်ကယ်နဲ့ ဒီအမေအိုကြီးကို အဲ့ဒီနေရာမှာ လာလာပြီး ချသွားတာပဲ။ ဘယ်ကလည်းတော့ မသိဘူး။ ပြီးရင် ည၈နာရီကျော်လောက်ဆိုရင် ပြန်လာပြီး အဲ့ဒီအမေကြီးကို ပြန်ခေါ်သွားတယ် ။ ဘာလို့ ဒီလိုလုပ်တာလဲတော့ မသိဘူး ။ အမေအိုကြီးခဗျာသနားပါတယ်။ ဆောင်းတွင်းကြီးအေးကအေးနဲ့ ´´
အရမ်းအေးနေလို့ထင်တယ် အမေအိုကြီးမှာ တစ်ချက်တစ်ချက် တုန်နေတယ်။ ဘယ်လိုဝဋ်ကြွေးများကြောင့် ဒီလိုမျိုး ဒုက္ခခံနေရတာလဲ။ သားသမီးတွေရော မရှိကြဘူးလား။ လာပြီးချသွားတဲ့ လူကြီးနဲ့ရော ဘယ်လိုပက်သက်နေသလဲ။ အခုဆိုရင် ဘိုးဘွားရိပ်သာတွေ အများအပြားရှိနေတာပဲမဟုတ်လား ။ စတဲ့စတဲ့ မေးခွန်းတွေ ကျွန်တော့်ရင်ထဲမှာ မေးနေမိတယ်။
အဲ့ဒီညတစ်ညလုံး ထိုအမေအိုကြီးရဲ့ ပုံရိပ်က ကျွန်တော့် အမြင်အာရုံမှာ စွဲထင်ကျန်နေခဲ့တယ်။ ဒီအမေအိုကြီးရဲ့ မမြင်နိုင်တဲ့ အမှောင်ကမ္ဘာထဲက နာကြည်းစရာ လျှို့ဝှက်ချက်တွေက ဘာများလဲ။ သိချင်စိတ်များက အာရုံမှာ ပြေးလွှားလှုပ်ရှားနေတယ်။ အပြင်မှာ လမင်းကြီးကလဲ ထိန်ထိန်သာနေတယ်။ ၀ရန်တာအပြင်ဘက်ထွက်ရင်း ဆောင်းလေအေးအေးကို အားရပါးရတစ်ချက်ရှူရှိုက်လိုက်တယ်။ ပြီးတော့ လမင်းကြီးကို မော့ကြည့်လိုက်တယ်။ ပြီးတော့ ခပ်အဲ့အဲ့လေးပြုံးလိုက်တယ်။ လှောင်ပြုံလား၊ သနားပြုံးလား မသိပါ။ လမင်းကြီးကတော့ တိမ်တိုက်တွေကြားထဲ ပျောက်ကွယ်သွားခဲ့တယ်။
ကျွန်တော်လည်း အိမ်ထဲပြန်ဝင်ပြီး မှက်စုစာအုပ်လေးကို ကောက်ကိုက်လိုက်တယ်။ ပြီးတော့ စိတ်ထဲသိချင်နေတဲ့ လူတွေရဲ့မမြင်နိုင်တဲ့ အမှာင်ကမ္ဘာအကြောင်း ချရေးလိုက်မိတယ်။ ခေါင်းစဉ်ကတော့
´´ လမင်းရဲ့ တစ်ဖက်ခြမ်း ``
သစ်အယ်သီး
ကိုကိုမိုးဟိန်း
Image Credit >>> https://www.pexels.com
KOKOMOEHEIN
@myanmarkoko
MSC no. 118