ကျွန်တော်များ Hive platform ပေါ်တွင် မြန်မာစာ အသုံးပြုပြီး
ငွေရှာနေကြသော (စာရေးတာကို ဝါသနာပါသော) ညီအကို
မောင်နှမ တို့ကိုစာအုပ်လေးတစ်အုပ်နှင့် မိတ်ဆက်ပေးချင်ပါတယ်။
ထိုစာအုပ်လေး၏ နာမည်မှာ-
အလေးထားစရာ မြန်မာစာ
ဟုဖြစ်ပါသည်။ ရေးသားပြုစုသူမှာ ဆရာ အေးကျော်မင်း
ဖြစ်ပါတယ်။သည်စာအုပ်လေးကို ကျွန်တော် တကူးတက
ရှာဖွေဝယ်ယူခဲ့တာ မဟုတ်ပါ။အမတစ်ယောက်မှ ကျွန်တော်
အွန်လိုင်းပေါ်တွင် စာပေရေးသားရင်း ဝင်ငွေရှာ
နေကြောင်းသိ၍ လက်ဆောင်ပေးလာခြင်းဖြစ်ပါတယ်။
စာအုပ်ကို လက်ခံရရှိခဲ့တာကြာပြီဖြစ်ပေမဲ့၊ ယခုမှသာ ဖတ်ရှူဖို့ အစပျိုးခြင်းဖြစ်ပါတယ်။
တခါတလေ မြန်မာစာ ရေးသားကြရာမှာ အတော်ကလေး
ကသိကအောက် နိုင်တာတွေရှိပါတယ်။ ကိုယ်ရေးချင်တာကို
ဘယ်လိုရေးရမလဲ။ ဘယ်ဟာအမှန်လဲ။ စသဖြင့်
ကျွန်တော်များ ခေါင်းခြောက်အောင် စဥ်းစားရဖူးပါတယ်။ စဥ်းစားမရသောအခါမျိုးတွင် လည်း ကိုယ်မှန်မယ်ထင်တာကို
လွယ်လွယ်ပဲ သုံးလိုက်မိပါတယ်။ သို့သော် ကျွန်တော်များသည်
ရေရှည် Hive platform ပေါ်တွင်စာပေများ ရေးသားကြပြီး ငွေရှာကြမည်ဆိုလျှင် မိမိ၏ အမိဘာသာစကားကို
အလေးထား ရေးသားဖို့လိုအပ်သည်ဟု ထင်မိပါသည်။ သည်လိုတွေ ကြီးကြီးကျယ်ကျယ် ရေးနေလို့ ကျွန်တော်သည် စာရေးဆရာ
မဟုတ်ပါ။ မိမိတို့အွန်လိုင်းပေါ်တွင် ငွေရရှိအောင် အသုံးပြုရသော
မြန်မာစာကို တန်ဖိုးထားသင့်သည်ဟု သတိချပ်မိသောကြောင့်
ယခုလို ရေးသားလိုက်ရခြင်းဖြစ်ပါတယ်။
သည်စာအုပ်လေးကို ဖြစ်နိုင်လျှင်
Hive Myanmar community မှ
ညီကို အယောက်စီတိုင်းကို လက်ဆောင်ပေးချင်ပါတယ်။
အဲ့သည်လောက် မချမ်းသာရကား ထီပေါက်ခဲ့လျှင်တော့
ဖြစ်နိုင်ပါတယ်။ ခက်သည်က ထီကလည်းမထိုးဖြစ်ပေ။ ဘာပဲဖြစ်ဖြစ် စာဖတ်သူတို့ မြန်မာစာနှင့်ပတ်သတ်ပြီး အသိတိုးပွားအောင် ဤစာအုပ်လေးထဲမှ ဖတ်ပြီးသိရှိလာရသောအသိ၊မြန်မာစာကို မှားယွင်းအသုံးပြုမိပုံများကို မျှဝေရေးသားသွားပါ့မယ်။
ကိုကိုမိုးဟိန်း
@myanmarkoko