အော်ခဲ့ကြသေးလား...?
စကားပြော အရေးနဲ့ ရေးကြည့်ပါမယ်။ စမ်းရေးကြည့်တာကြောင့်
ဖတ်ရတာ အဆင်မပြေပါက အနူးညွတ်တောင်းပန်ပါတယ်။
ဘာမှမလုပ်လိုက်နဲ့ တစ်ခုခုဆို အော်... ချင်တဲ့စိတ်ကများနေတက်တယ်။ တခြားမဟုတ်ပါ။
အံသြတဲ့အခါ သုံးတဲ့ အာမေဍိတ် အသုံးကြောင်း ဆွေးနွေးဖို့
ဖြစ်ပါတယ်။
အော် ဖြစ်မှဖြစ်ရလေ ။
အော် ဘယ်တက်နိုင်မလဲ ။
အော် မင်းကဘာမို့လို့လဲ ။
ကျွန်တော်ကတော့ မကြာခန အော် ပါတယ်။ တကယ်တော့
ဒီလို အော် တာမှားကြောင်း ဤအလေးထားစရာ မြန်မာ စာအုပ်ကို
ဖတ်ပြီးမှ သိလာခဲ့ပါတယ်။
အော် လိုက်မှာပဲလား။
အော် ပြောလိုက်တာကိုး။
အော် ဆူပြန်ပြီကိုး။
ဖော်ပြတဲ့ ဝါကျတွေက ရုတ်တရက်ဆိုရင် အာမေဍိတ် လိုလို၊
အော်ဟစ်ပြောသံ ကြိယာအသုံးလိိုလို ဇဝေဇဝါ ဖြစ်နေပါတယ်။
ထိုစာအုပ်လေးမှ စာရေးသူပြောပြချက်အရ မြန်မာစာ သတ်ပုံကျမ်း
ထဲတွင် အော် ဆိုသည်မှာ ကြိယာ အသုံးဖြစ်ကြောင်း
တိတိကျကျဖွင့်ဆိုထားတယ်ဟု သိရပါတယ်။
အော် (ကြိယာ) နှုတ်မှ အသံကျယ်လောင်သော အသံပြုသည်။
သြော် (အာမေဍိတ်) [အပြော)] အံသြခြင်း၊ ဝမ်းမြောက်ခြင်း
စသည်ကို ခံစားရသောအခါ ရုတ်တရက်ထွက်သော အသံ။
သြော် လိုက်မှာပဲလား။
သြော် ပြောလိုက်တာကိုး။
သြော် ဆူပြန်ပြီကိုး။
အာမေဍိတ် အသုံးဆိုရင် သြော်ကိုသာ သုံးရပါမယ်။ ကျွန်တော်
စာတွေများစွာ Hive နဲ့ Steemit ပေါ်မှာ ရေးသားခဲ့ပါတယ်။
ရေးသားနေဆဲဖြစ်ပါတယ်။ နောင်လည်း ရေးသားဦးမှာပါ။
ဒီလိုရေးသားခဲ့တဲ့အခါ အော်ကို မကြာခန အာမေဍိတ် အသုံးအဖြစ်
သုံးခဲ့ပါတယ်။ ဒီစာအုပ်လေးဖတ်ပြီးမှပဲ ဆက်မအော်ဖို့ သတိလေး
ထားနိုင်ခဲ့ပါတယ်။
မိတ်ဆွေတို့ရော အော် ခဲ့ကြသေးလား။
ကိုးကား။ ။ အလေးထားစရာမြန်မာစာ။
ရေးသားသူ ။ ။ အေးကျော်မင်း။
ကိုကိုမိုးဟိန်း
KoKoMoeHein
@myanmarkoko